داوای دیاریکردن چارەنویس ناوچەیگ عراقی ک هاژیر هەڕەشەی نقومبوین لەوەر بەنداویگ ستراتیژی
شەفەق نیوز/ ئیدارەی ناحیەی ئاشوور، باکوور پارێزگای سەڵاحەدین، ئمڕوو سێشەممە، داوای دیاریکردن چارەنویسی کرد، ک ئایا جویر یەکیگ لەو ناوچەیلە دریەێدە قەڵەم ک ئەوەسا کەفێدە ژیر ئاو بەنداو مەکحول ستراتیژی ک ئیسە جیوەجی کریەێد.
جرجیس ئیسماعیل وەڕیەوبەر ناحیەگە ئەرا ئاژانس شەفەق نیوز وت: نزیکەی ١٢ ئاوای ئەوەسا کەفنە ژیر ئاو بەنداو مەکحول، وەگورەی سنوور سەرەتایی بەنداوەگە، باوجی ناحیەگە هویچ ئاگادارییگ وەپی نەڕەسیە لەبان چارەنویسی و چارەنویس ئەو ناوچەیلتر ک کەفنە نقومبوین، تا کارەیلیگ وەرجەوەخت بکەن و شوینیگ ئارام پەیا بکەن، و ناوچەیلیگ پەیا بکەن ئەرا ئەوانەگ لە ئاوایەیلیان دەرچن.
جرجیس وتیش: ناحیەگە وەردەوامە لە جیوەجیکردن پڕۆژەیل لە گشت کەرتەیل و هویچ یاداشتیگ فەرمی وەپی نەڕەسیە تا ئەو پڕۆژەیلە بوسنێد یا کەمیان بکەێد، ئەرا دیاریکردن ئەو ناوچەیلە ک بایەتە بار بکەن.
وتیش: چارەنویس ناوچەیل ناحیەی ئاشوور هیمان نادیارە، وەبی هویچ ئاشکراکردنیگ فەرمی تا ئیسە، و داوای دیاریکردن ئەو ناوچەیلە کرد ک کەفنە سنوور بەنداوەگە.
