داوەزانن پەرچەم باڵە چەکدارەگان لە شەنگال لە جیوەجیکردن رێککەفتنەگەی

شەفەق نیوز/ دەسەڵاتەیل عراق، ئمڕوو جمعە، دەسکردنە جیوەجیکردن رێککەفتنەگەی شەنگال، دویای ئەوەگ پۆلیس فیدڕاڵی پەرچەمەیل لایەنە سەربازیەگان لە حەشد شەعبی و هێزەیل مقەیەتی شەنگال و هێزەیل ئەیزدخانە لەبان بارەگا ئەمنیەگان داوەزان.

سەرچەوەیگ ئەمنی خەوەردا ئاژانس شەفەق نیوز ک دەسەڵاتە ئەمنیەگان تەنیا پەرچەم عراقی لەبان ئەو بارەگایلە هیشتن.

وتیش؛ ئی گامە لە چوارچێوەی بەندەیل رێککەفتنەگە لەناوبەین حکومەت فیدڕاڵی و حکومەت هەرێم کوردستان ئەرا گونجانن رەوشەگان لە شەنگال و دەرکردن کۆمەڵە چەکدارەگان وئەو کۆمەڵەیلە ک عراقی نیین جوور پەکەکە لە شەنگال.