داوەزین نرخ تەڵا لە بازاڕەیل عراق
2021-09-20T08:36:02+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو دووشەممە ٢٠ ئەیلوول ٢٠٢١ ئەرا سێیەم رووژ پشتەڵپشت داوەزیا.
پەیامنێر ئاژانس شەفەق نيوز وت: نرخ تەڵا لە بازاڕەیل بڕ فرووشتن لە جادەی نەهەر لە بەغداد پایتەخت ئەرا یەک مسقاڵ تەڵای خەلیجی و تورکی و ئەوروپایی عەیار ٢١ رەسیە ٣٥٨ هەزار دینار، و نرخ سەنینی رەسیە ٢٥٢ هەزار دینار.
پەیامنێرمان وتیش: نرخ فرووشتن یەک مسقاڵ عەیار ٢١ تەڵای عراقی داوەزین وەخوەی دی لەپای ٣٢٨ هەزار دینار، وبنرخ سەنینی رەسیە ٣٢٣ هەزار.
لە باوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٦٠ هەزار دینار و ٣٦٥ هەزار، و نرخ فرووشتن یەک مسقاڵ تەڵای عراقی هالە ناونی ٣٣٠ هەزار و ٣٣٥ هەزار دینار.
