داوەزیان هەردوگ نەفت خام بەسرە و ناوڕاس وەگەرد جیاوازی بازاڕەیل نەفت جیهانی

شەفەق نیوز - بەسرە

نرخ هەردوگ نەفت خام بەسرەی قورس و ناوڕاس عراقی، داوەزیانیگ توومار کردن وەپای داتای ماڵپەڕ "ئۆیڵ پرایس"، لە ماوەی دانیشتنەیل، ئمڕوو سێشەممە، لە وەختیگ کە نرخ گرێبەستەیل نواوەختەی نەفت جویڵەیگ جیاواز توومار کردن.

داتایەیل نیشان دان  نرخ نەفت خام بەسرەی قورس رەسیە  67.70 دۆلار ئەرا هەر بەرمیلیگ، وە داوەزیانیگ بڕ 2.38 دۆلار، یا 3.40%, لە وەختێگ کە نرخ نەفت خام بەسرەی ناوڕاس رەسیە  71.70 دۆلار ئەرا هەر بەرمیلیگ، وە داوەزیانیگ بڕ 1.38 دۆلار، یا 1.89%.

 لە بازاڕەیل جیهانی، نەفت خام خوەرهەڵات تێکساس ناوڕاس ئەمەریکی بەرزەوبوی ئەرا 98.65 دۆلار ئەرا هەر بەرمیلیگ، وە زیایبوین 0.12 دۆلار، یان 0.12%, هەمیش نفوت خام برنت رەسیە 109.79 دۆلار ئەرا هەر بەرمیلیگ، وە زیادبوین 0.24 دۆلار، یا 0.22%.

لە وەرانوەر، نەفت خام مڕبان ئیماراتی داوەزیا ئەرا 111.10 دۆلار ئەرا هەر بەرمیلیگ، وە داوەزیانیگ بڕ 2.26 دۆلار، یا 1.99%.

 خامەیل ئۆپیکیش داوەزیا ئەرا 108 دۆلار ئەرا هەر بەرمیلیگ، وە داوەزیانیگ بڕ 3.60 دۆلار، یا 3.23%.