داعش پەنج شوان رفنێد و دەسنەێدە بان ٢٥٠ کاوڕ
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا ک ئەندامەیل داعش پەنج شوان لە باشوور پارێزگای کەرکوک رفانن.
سەرچەوەگە ئەرا ئاژانس شەفەق نیوز وت: ئەندامەیل ریخریاگ داعش، وەرجە نیمەڕو ئمڕوو، پەنج لە شوانەیل نزیک ئاوای "تامور" ناوبەین پارێزگایل سەڵاحەدین و کەرکوک رفانن.
وتیش: ئەو شوانەیلە لە عەرەو سوننەن، وتیش: ئەندامەیل ریخریاگ داعش دەسنانە بان پەس یەکیگ لەو شوانە رفیایەیل، ک هن موختار ئەو ئاوایەسە، و نزیکەی ٢٥٠ سەر پەس بۊن.
و دیاری کرد ک هیزە ئەمنییەیلە رۊ وەرەو شۊن رۊداوەگە کردن، باوجی تیرۆرستەیل وەرەو شۊن سەختیگ لەناوچەی "زەرگە" واین ک کەفێدە زنجیرەی کۊەیل حەمرین و چوار لە شوانەیل وەگەرد پەسەێلە بردن، و یەکیگ لە شوانەیل مەرەقەز کردن.
لەلای خوەییش، عەمید حسێن عەلی رەشید وەڕەوبەر بەش پۆلیس دووز وت: ئەو شوانەیل رفیایە خەڵک ئاوای "حلێوە" بۊن، باوجی رۊداوەگە لەناو سنور قەزای داقوق سەروە پارێزگای کەرکوک بۊ.
