دارایی پەرلەمان: بڕیارداین بوودجەگە وەخت نادیاریگ خوازێد

دارایی پەرلەمان: بڕیارداین بوودجەگە وەخت نادیاریگ خوازێد
2021-01-09T09:06:53+00:00

شەفەق نیوز/ دەسەی دارایی لە پەرلەمان عراق، ئمڕوو شەممە، دووپاتکرد ک تۆێژینەوە و بڕیارداین پڕۆژەی یاسای بوودجەی ساڵ ٢٠٢١ وەخت نادیاریگ خوازێد، و ئاماژە کرد لە نیاز راسەوکردن و زیایکردن لە بەندەگانی.

جەمال کۆچەر ئەندام دەسەگە ئەرا ئاژانس شەفەق نیوز وت: ئەوەسا ئەنجومەن نۆێنەران لە دانیشتنەگەی ئمڕوو یەکەم خوەنستنی لە پڕۆژەی یاسای بوودجە گشتیەگە تەواو کەێد، و دیاریکرد ک تۆێژینەوە و بڕیارداین بوودەجەگە لە پەرلەمان وەخت نادیاریگ خوازێد.

وتیش؛ ئەوەسا دەسەی دارایی لە رووژەیل ئایندە تۆێژینەوەی یاسای بوودجەگە کەێد و راسەوکردن لە بەندەگانی کەێد، و دووپاتکرد ک ئەوەسا میوانی وەزیر دارایی و کادریگ پێشکەفتگ لە وەزارەتەگە کەێد ئەرا باسکردن لە بەندەیل بوودجەگە.

Shafaq Live
Shafaq Live