چەکدارەیلیگ پەلامار ناوەندیگ بازرگانی دەن و دوو ماشین گرانبەها و ٢٠ پارچە چەک دزن
2023-09-03T13:36:31+00:00
شەفەق نیوز/ سەرچەوەیگ ئەمنی لە پارێزگای بەسرە، ئمڕوو یەکشەممە، خەوەردا کە ناوەندیگ بازرگانی لەژیر دروسکردن ناوڕاس پارێزگاگە، کەفتە وەر دزیکردن گەورەیگ وەدەس زیاتر لە ١٠ چەکدار نەناسیاگ.
سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ وە ماشینەیل جویراجویر چگنە ناو ناوەندیگ بازرگانی لە ناوچەی جەمعیات ناوڕاس بەسرە و دەس لە پاسەوانەیلی وەشانن و بەسانەیانەو، ئیجا دوو ماشین مارکەی تاهۆ ٢٠٢٣ و زیاتر لە ٢٠ پارچەی چەک و نزیکەی ٢٠ مەلیۆن دینار عراقی دزین.
سەرچەوەگە وتیش؛ چەکدارەیل وەرەو شوین نادیاریگ واینە، و دەزگایل ئەمنی رەسینە شوین رویداوەگە، و لێکۆڵینەوە لە رویداوەگە واز کردن.
