دادگاى عراقى بڕيار ده‌ستگيركردن "تاڵه‌بانى" هه‌ڵوه‌شانه‌و
2019-06-20T21:20:26+00:00
شه‌فه‌ق نيوز/ ده‌سڵاته‌يل دادوه‌رى عراقى بڕيار هه‌ڵوه‌شاننه‌وه‌ى ده‌سگيركردن رێبوار تاڵه‌بانى سه‌رۆك ئه‌نجومه‌ن پاريزگاى كه‌ركوك وه وه‌كاله‌ت دا ك زويتر ئه‌راى ده‌رچى له‌لايه‌ن دادگاى كه‌ركوك و داوايش له لايه‌نه‌يل په‌يوه‌نديدار كرد واز له گه‌ردين و ده‌سگيركردن ده‌رهه‌قى بارن.
وه‌گووره‌ى ناوه‌ڕووك بڕياره‌گه‌ى دادگاى رسافه‌ى سه‌ر وه ئه‌نجومه‌ن باڵاى دادوه‌رى و ئاراسته‌كرياێ ئه‌را وه‌ڕيه‌وبه‌رايه‌تى پۆليس پاريزگاى كه‌ركوك، ئه‌وه ده‌ركه‌فت ك دادگا داواى ئه‌وه كردگه كار وه بڕيار ده‌سگيركردن رێبوار تاڵه‌بانى نه‌كريه‌ێد.
جى باسه، دادگاى كه‌ركوك زويتر له 30 كانون يه‌كه‌م 2018ى گوزه‌يشت فه‌رمانيگ ئه‌را ده‌سگيركردن رێبوار تاڵه‌بانى ده‌ركرد.
