داد لە بڵاوبوین شێرپەنجەکریەێد بویەسە مدوو بڕیان خزمەتگوزاری ئەنتەرنێت لە بەشیگ فرە شار بەعقوبە
2023-08-30T08:50:55+00:00
شەفەق نیوز/ پەیامنێر ئاژانس شەفەق نیوز لە دیالە خەوەردا لە بڕیان خزمەتگوزاری تووڕ "ئاسیاسێل" ئەرا پەیوەنیکردن لە بەشیگ فرە ناوچەی شار بەعقوبە ناوەن پارێزگاگە لەدویای کوشانەوەی تاوەر سەرەکی راستەوخوەی لەوەر دادکردن دانشتگەیل لە بڵاوبوین بیماری شێرپەنجە لەوەر ئەو تیشکەیلە کە لەلی دەرچوود.
پەیامنێرمان وتیش: پارێزگار دیالە لەبان داد هاوڵاتیەیل تاوەر سەرەکی پیوەنیکردنەیل لە بەعقوبە کوشانیەسەو لەوەر ئەو دادەیلە وەلایەن دانشتگەیل ناوچەگە کریایە کە گوایە رێژەی زیایبوین بیماری شێرپەنجە لەوەر ئەو تیشکەیلەس کە لە تاوەرەگە دەرچوود.
وەپای ئامارەیل کۆتایی، تویشهاتن وە بیماری شێرپەنجە لە خوەرئاوای بەعقوبە 30 تویشهاتن رەدکردیە و بویەسە جی تویڕەیی و نارزایی جەماوەر و هیشت ئیدارەی پارێزگاگە بچودە ناو کڕ قەیرانەگە.
لەلایگیش سەرچەوەیگ پزیشکی وە ئاژانس شەفەق نیوز وت، تا ئیسە ئەنجام وشکینەیلە نە سەلمانیە تاوەرەیل پەیوەنیکردن هووکار بیماری شێرپەنجەیین باوجی دادکردن و گلەیی مەردم پیچەوانەی ئەوەس.
