دادگای عراق سزای زیندانیکردن هەمیشەیی ئەرا گشت ئەندامەیل خێزانیگ دەرکرد بازرگانی وە هووشبەر کردنە

شەفەق نیوز/ دادگای تاوانەیل وات، ئمڕوو چوارشەممە، سزای زیندانیکردن هەمیشەیی ئەرا خێزانیگ دەرکرد کە لە بەغداد هاتنە، ئەندامەیل خێزانەگە بازرگانی وە مادەی هووشبەر کریستال کردنە.

سەرچەوەگە وە ئاژانس شەفەق نیوز وت، "دادگای تاوانەیل واست سزای زیندانیکردن هەمیشیی ئەرا چوار ئەندام خێزانیگ دەرکرد، کە لە داڵگ و باوگ و دوو کوڕیان پێکهاتبوین و دانشتگ  پارێزگای بەغدادن، لەدویای ئەوەگ لەناو چێشتخانەیگ لە شار کوت دەسگیرکریان کە 4 کیلوگرام مادەی هووشبەر کریستال وەپیان بویە وە بڕ 30 هەزار دۆلار".

وتیش؛ "وەپای بڕگە مادەیل 28 لە یاسای بەڕەنگاربوین هووشبەر و کاریگەری دەروینیەیل شمارە 50 ساڵ 2017 سزا دریانە".