دادگای عراقی دەسگرتن وە بان 20 ملیۆن دۆلار و 60 کیلوگرام تەڵا لە دۆسیەی عەدنان جومەیلی راگەێنێد
شەفەق نیوز ـ بەغدا
دادوەر لێکۆڵینەوەی دادگای تاوانەیل بەڕەنگاربوین گەندەڵی ناوەندی، ئمڕوو یەکشەممە راگەیان، وە هەماهەنگی وەگەرد هەرێم کوردستان، دەسگیریا وە بان بڕ 20 ملیۆن دۆلار و 340 هەزار دۆلار ئەمریکی و 200 ملیۆن دینار عراقی، بێجگە لە گلەودان 60 کیلوگرام لە تەڵا، و دەسگردن وە بان 7 مشین، لە دۆسیەی بریکار وەزارەت نەفت ئەرا کاروبار پاڵاوتن توومەتبار دەستگیرکریاگ عدنان جمەیلی و لایەنەیل تێوەگلاگ وەگەردی.
لە بەیاننامەیگ دەرچگ لە ئەنجومەن دادوەری باڵا لە زووان قازی تایبەتمەن راگەیان ک ئۆپراسیۆنەیل وەدویاچگن و وشکنین ئەرا دەسگردن وە بان دەستکەفتەیل مادی کە لە ئەنجام زەرەدڕەسانن وا پرۆژەیل جیوەجیکریاگ لەلایەن توومەتبارەگە و لایەنەیل تێوەگلاگ، بویە مدوو دەسگردن وە بان بڕە پویلەیل و تەڵا و ماشیاەیل دیاریکریاگ، دووپاتکردن لە وەردەوامبوین لێکۆڵینەوەیل و وەشوینکەفتن تێوەگلاگەیل ترەک، ئەرا تەواوکردن ڕێکارەیل یاسایی وەرانوەریان.
دیاریکرد، گیچەڵ بریکار وەزارەت نەفت ئەرا کاروبار پاڵاوتن عەدنان جمەیلی نزیکەی دوو مانگە وەردەوامە، و پەرلەمانتارەیل و وەرپرسانیگ گردەو کە دەستگیرکریان لە ناوچەیل جیاجیای بەغدا لە ناویان ناوچەی سەوز .
