دۊەمە لەماوەی چەن سەعاتیگ.. خوەیکوشتن دۊتیگ لە باشوور بەغداد

شەفەق نیوز- بەغداد

سەرچەوەیگ ئەمنی، ئمڕوو سێشەممە، خەوەر دا لە خوەیکوشتن دۊتیگ کە تەمەنی 15 ساڵانە، لەناو ماڵەگەی لە ناوچەی شورتە خامسە سەر وە ناوچەی بەییاع لە باشوور بەغداد.

سەرچەوەگە ئەرا ئاژانس شەفەق نیوز وت، کە دۊتەگە، کە خوەنەوارە لەداڵگبۊ ساڵ 2011، دەسداسە خوەیکوشتن وە خنکانن لەڕی پەتیگ هەڵواسیاگ وە قەواسەی ژوورەگەی.

وەپای کەسوکاری، قوربانیەگە لە بیماریەیل دەروونی ناڵیە، لە وەختیگ دەزگایەیل ئەمنی لێکۆڵینەوەیگ واز کردن ئەرا زانستن هۊردەکاریەیل رۊداوەگە.

 ئی رۊداوە دۊای چەن سەعاتیگ تیەێد لە توومارکردن خوەیکوشتن پزیشکیگ دگان، کە ماشینەگەی پەیا کریا کە لەبان پیەڵ 14 رەمەزان لە ناوچەی ئەعزەمیە هیلیاسە جی، وەرجە ئەوەگ پولیس ئاوی تەرمەگەی لە ژیر پیەڵەگە دەربارێد، وەپای سەرچەوەیگ ئەمنی.