دۊیەم رووداو لەبان ری مەرگ وە ماوەی چەن ساعەتیگ
2021-09-27T07:37:36+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان و زەخمداری ١٦ کەس لەبان ری مەرگ ناوبەین دیالەو کەرکوک.
سەرچەوەگە ئەرا ئاژانس شەفەق نیوز وت: سێ مەدەنی کوشیان و ١٣ زەخمدار بۊن خ وە رووداویگ هاتوچوو لەبان ری بەغداد- کەرکوک نزیک کامپ ئەشرەف لە دەورگرد ناحیەی عزێم.
و دیاری کرد ک رووداوەگە لەوەر لەیەکداین پاس بۊچگیگ وەگەرد ماشینیگ تر، وتیش؛ قوربانیەیلە وەرەو پزشک دادوەری بریان، و زەخمدارەیلە بریانە خەسەخانە.
