دەسەی قەیرانەگە گریەی لاوردن قەیەغەگان وە رەسین واکسینەگە بەسێد
شەفەق نیوز/ شانەی قەیرانەگە لە پەرلەمان عراق، ئمڕوو یەکشەممە، لاوردن بەشیگ لە قەیەغە و ریکارەگان ک دەسەی تەندروسی و سەڵامەتی نیشتمانی چەسپانگەسەی گریەبەسیان وە رەسین واکسین ڤایڕۆس کۆڕۆنا ئەرا عراق کرد.
عەلی لامی ئەندام دەسەگە ئەرا ئاژانس شەفەق نیوز وت: ئەوەسا لە سەرەتای مانگ ئایندە واکسین کۆڕۆنا رەسێدە عراق، و هەنای واکسینەگە رەسێد، ئەو وەختە بڕیارەیل سووکەوکردن ریکارەیل دەسەی تەندروسی و سەڵامەتی نیشتمانی لە باوەت قەیەغەگە و ئەو ریکارە مقەیەتیەگان بوود.
لامی دیاری کرد ک بایەدە گەل عراق وە تەواوەتی پابەند وە ریکارە مقەیەتیەگان بوود، وەتایبەت وەگەرد بڵاوبوین مەترسیدار و گەورەی بنچینە نووەگەی ڤایڕۆس کۆڕۆنا، تا واکسینەگە بڕەسێد، وفرەی هاووڵاتییەگان وەری بگرن، و ئەگەر نە، شایەت لە گشت رووژەیل هەفتەگە قەیەغەی گشتگیر بوود، نەگ ئەرا سێ رووژ وە تەنیا، ئەراوە بایەدە هاووڵاتییەگان هووشیار بوون و وەجدی رەفتار وەگەرد ریکارە مقەیەتیەگان بکەن.
