دەسکردن وە یەکەم گامەیل دروسکردن دوو لیوای هاوبەش ناوبەین سوپا و پێشمەرگە
شەفەق نيوز/ سەرکردایەتی پێشمەرگە، ئمڕوو سێشەممە، خەوەردا لە دەسکردن وە پلانەیل راهێنان دوو لیوای هەماهەنگی هاوبەش ناوبەین وەزارەت وەرگیری عراق وە سێ چەین ماوەیی.
لیوا محمد روستەم فەرماندەی محوەر دۊیەم لە پێشمەرگەی قەرەتەپە – حمرين ئەرا ئاژانس شەفەق نیوز وت: ئەندامەیل دوو لیواگە دەسکردنە راهێنان سەرەتاییان و ئەوەسا خریەنە کامپ تاجی لە بەغداد، لە چوارچیوەی هەماهەنگی هاوبەش، ئەرا گرتن بۆشاییەیل ناوچە دابڕیایەیلە.
و دیاری کرد ک هەر لیوایگ لە هەماهەنگی هاوبەش وەگەرد وەزارەت وەرگیری ٤ فەوج هاناوی، و دۊیای ئەوە میکانزم بڵاوبۊن ئەمنی دیاری کریەێد.
لەلای خوەییش، جەبار یاوەر ئەمینداری گشتی وەزارەت پێشمەرگە ئەرا ئاژانس شەفەق نیوز وت؛ ئەو باسەیلە لەدروسکردن فیرقەیگ ئەرا هەماهەنگی هاوبەش راس نییە، باوجی رێککەفتنەگە وەگەر بەغداد لەباوەت دوو لیوای هابەش بۊیە ئەرا پڕەوکردن بۆشایی ناوبەین هئزەیل پێشمەرگە و سوپای فیدراڵی.
و دیاری کرد ک ئەرک دوو لیواگە لە سنوور خانەقین تا سنوور ناوچەی سحێلا دەس وەپیکەێد، تا ئۆپراسیۆن وەدژ تیرۆریستەیل داعش بکەن و لەناویان بیەن و ریە سەرەکیەیلە ئارام بکەن، و بڕیارە لە سەرەتای مانگ ئایندە ئەندامەیل ئەو دوو لیوا بخریەنە کامپەیل راهێنان.
