دەسگیرکردن ٤ ئەندام داعش لە سامەڕا و ئەنبار
شەفەق نیوز/ شانەی راگەیانن ئەمنی، ئمڕوو یەکشەممە، راگەیان دەسگیرکردن چوار ئەندام لە ریخریاگ داعش، و دەسناین وەبان تەقەمەنی و چەک، لە ئۆپراسیۆنەیلیگ جیاجیا.
شانەگە لە بەیاننامیگ رەسیە ئاژانس شەفەق نیوز وت: زانیارییەیل هۊردیگ رەسینە بەش هەواڵگری فەرماندەی ئۆپراسیۆنەیل سامەڕا و بەش هەواڵگری فیرقەیل دەیەم و هەفتەم لە وەڕێوەبەرایەتی هەواڵگری سەربازی لە وەزارەت وەرگری، وهاوکاری وەگەرد هەواڵگری لیوای پیادەی ٣٩ ، و لیوای پیادەی ئامێری ٣٠، و فەسیل رەوانگەی ئۆپراسیۆنەیل سامەڕا، وهیزیگ لەو لیوایلە، ئۆپراسیۆنەیل جیاجیا لە سەڵاحەدین و ئەنبار جیوەجی کردن.
و دیاری کرد ک ئۆپراسیۆنەیل رەسینە دەسگیرکردن چوار تیرۆریست، سێ لەلیان لە قەزای سامەڕا، وئەوەکە لە شار رەمادی، و دووپات کرد ک ئەوانە وەگورەی مادەی ٤ تیرۆر ئەرا داداوەری داوا کریانە.
وتیش: هیزیگ لە فیرقەی هەفتەم چگە ناو حەشارگەیگ لە ژیر زەۊ، بەرمیلیگ پلاستیک لەناوی بۊ، و لەناوی یەک هاوەن ٦٠ ملم، و ٩ گولەی هاوەن، ٦٥ گولەی ١٢،٥ ملم، ٤٥ گولەی قەناس، لە بیاوان جەزیرە باکوور قائیم لە ئەنبار بۊ.
شانەگە وتیش: تیرۆریستەیل دریانە دەس لایەنیل داواکەر، و مەفرەزەیلیگ لە چارەسەری ئەندازیاری ئەو چشتەیل تەقەمەنیە هڵگرد و لەشۊن خوەی تەقانەی.
