دەسگیرکردن شەش تیرۆرست لە کەرکوک یەکیگیان دەسی هاناو کوشتارەگەی سپایکەر

شەفەق نیوز/ شانەی راگەیانن ئەمنی، ئمڕوو چوارشەممە، راگەیان دەسگیرکردن شەش تیرۆرست لە ریخریاگ داعش یەکیگیان لە کوشتارەگەی سپایکەر بەشدار بویە.

شانەگە لە بەیاننامەیگ رەسیە ئاژانس شەفەق نیوز وت: مەفرەزیل ئاژانس هەواڵگری لە وەزارەت ناوخۆ، توێنستن شەش تیرۆرست لە ناوچەیلیگ جیاجیا لە پارێزگای کەرکوک دەسگیر بکەن وەگورەی فەرمانەیل مادەی ٤ تیرۆر لەوەر لایەنگرییان ئەرا چەتەیل داعش تیرۆرست، و یەکیگیان وەرپرس پاڵپشتی لۆجستی بە و هەمیش جەنگاوەر بویە.

و دیاری کرد ک تیرۆرستە دوویەمەگە مار لە پاڵپشتیکردن لۆجستی ئەرا ئەندامەیل داعش لە پارێزگای کەرکوک کردگە، و سێیەمەگە لە بەشدارەیل کوشتار سپایکەر بوبڵ، و ئەو سێیانەگە وەگورەی یادداشتەیل دەسوەسەرکردن وە تیرۆری دەسگیر کریان.