دەسگیرکردن خاوەن ماشینیگ بارهەڵگر تابلۆیگ پەرچەم ئیسرائیل وەپیەو بویە لە بەغداد

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە دەسگیرکردن ماشینیگ بارهەڵگر تابلۆیگ هەڵگردیە کە پەرچەم ئیسرائیل وەپیەو بویە لە بەغدای پایتەخت، وتیش: رانندەگە دەسگیر کردن.

  سەرچەوەگە ئەرا ئاژانس شەفەق نیوز وت: هیزیگ ئەمنی ماشینیگ بارهەڵگر مارکەی "سكانيا" گرد، کە لە گەراج باکووری لە ناوچەی جەمیلە خوەرهەڵات بەغداد وسیاوێد، و تابلۆی پشتی پەرچەم ئیسرائیل وەپیەو بویە.

 سەرچەوەگە دیاری کرد کە خاوەن ماشینەگە دەسگیر کریا و دریا دەس دەزگای دژە تیرۆر لە بەغداد ئەرا رەسین وە بندروس ئی کارە.

سەرچەوەگە وتیش: هەمیش پارچە کاغەزیگ گەورە لەبان تابلۆی ماشینەگە پەیا کریا کە وەزوان عیبری لەبانی نویسیاس.