دەسگیرکردن توومەتباریگ وە تاوان "چزداین و دەسدرویژیکردن سێکسی" وەبان دویەتەیل ناخاڵه لە کەرکوک
شەفەق نیوز ـ کەرکوک
سەرچەوەیگ ئەمنی لە کەرکوک، ئمڕوو یەکشەممە، خەوەردا لە دەسگیرکردن کەسیگ وە توومەت "چزداین" و تەقەلای "دەسدرویژی سێکسی" کردن وەبان دویەتەیل ناخاڵ لە قەزای حەوێجە، لەدویای ئۆپراسیۆنیگ وەدویاچگن و لێکۆڵینەوەیل وەردەوام ئەرا چەن رووژیگ.
سەرچەوەگە وە ئاژانس شەفەق نیوز وت، "دەزگا ئەمنیەیل ئاگادارکردن و زانیاری وەپیان رەسی کابرایگ نەناسریاگ وەبان ماتۆڕسکیل چز دویەتەیل دەێد و تەقەلای دەسدرویژی سێکسی وەبانیان دەێد لە ناوچە جیاوازەیل قەزای حەوێجە".
وتیش " تیمیگ ئەمنی هاوبەش دەسکردنە وە رێکارەیل وەدویاچگن و کووکردن زانیاری و نوڕینە توومارەیل کامیرایەیل چەودێر، لە ئەنجام ناسنامەی گومان لێکریاگ و شوینەگە دیاریکریاگ".
دیاریکرد، "تیمەگە توەنستن توومەتبارەگە دەسگیربکەن" وتیش " کابراگه لە لێکۆڵینەوەیل سەرەتایی دان وە کارەیلی دانایە، ئەرا دادگای تایوەت کلکریاس تا رێکار یاسایی وەپای یاسا وەرانوەری بگرێدەوەر".
