دەسگیرکردن تیرۆریستیگ خوازیە باێدە ناو پارێزگای ئەنبار

شەفەق نیوز/ وەڕێەوبەرایەتی هەواڵگری سەربازی، ئمڕوو شەممە دەسگیرکردن یەکیگ لە تیرۆریستەیل راگەیان ک خوازیە باێدە ناو قەزای قائم لە پارێزگای ئەنبار.

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: لە بنەمای زانیاریەیل هەواڵگری هویرد، ئەرا بەش هەواڵگری و ئاسایش فیرقەی هەفتەم وهاوکاری هەواڵگری و هزیگ لە لیوای بیس و هەشتەم و فەوج فریاکەفتن ئەنبار، کوڵەی توکمەیگ لە ناوچەی سەفرە لە قەزای قائم نریا، و یەکیگ لە تیرۆریستەیل دەسگیر کریا.

بەیاننامەگە وتیش: ئەو تیرۆریستە وەگورەی مادەی چوار تیرۆر دەسگیر کریا، و دەریا دەس لایەنەیل پەیوەندیدار.