دەسگیرکردن کابرایگ پاکستانی لە بەغداد ٤٠ هەزار دۆلار لەناو کۆمپانیایگ دزیە
2023-06-12T09:43:20+00:00
شەفەق نیوز/ وەڕیەوبەرایەتی دژە تاوان بەغداد، ئمڕوو دووشەممە، دەسگیرکردن توومەتباریگ بیگانە راگەیان، لەبان دزیکردن ٤٠ هەزار دۆلار لەناو کۆمپانیایگ لە بەغداد پایتەخت.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەفرەزەیلمان لە نویسینگەی حەبیبیە توومەتباریگ پاکستانی گردن لەبان دزیکردن پویل بایی ٤٠ هەزار دۆلار ئەمریکی لەناو گەنجینەی ئاسنگ یەکیگ لە کۆمپانیایل بازرگانی لە ناوچەی حەبیبیە خوەرھەڵات بەغداد ک لەناوی کار کردیە.
وتیش: دەسگیرکردن ئەو توومەتبارە دویای رەسین زانیاری لە رویداویگ دزیکردن لە کەرت وەرپرسایەتی هات، ک وە کوتپڕ تیمیگ دروس کریا، و رەسینە شوین رویداوەگە، و دویای گردەوکردن زانیاری و تەقەلای گەورەیگ رەسیە ئەنجام دەسگیرکردن توومەتبارەگە.
