دەسگیرکردن 21 بازرگان و گواستنەوەی مادەی هوشبەر لە چەن پارێزگایگ

لە بەیاننامەیگ ئەمنی رەسیە ئاژانس شەفەق نیوز راگەیان، " مەفرەزەیل دەزگای ئاسایش نیشتیمانی لە خوەرئاوای نەینەوا وەگەرد وەڕیەوبەرایەتی ئاسایش نەجەف وە ئۆپراسیۆنیگ جویری وە پشت بەسین وەبان زانیاریەیل هەواڵگیری هویردیگ و لەدویای وەرگردن رەزامەنی دادوەر، توەنستنە کەسیگ وە توومەت بازرگانیکردن و گواستنەوەی هووشبەر ئەرا پارێزگای نەجەف دەسگیربکەن، وەگەردیا دەسنریا وەبان 44 هەزار دەنگ حەب لە جویر کبتاجون".

دیاریکرد " ئۆپراسیۆن دەسگیرکردنەگە لە دویای وەدویاچگن هویردیگ هات ک مەفرەزەیلمان چەودیری کردنە و وە کوڵەی قایمیگ کیشانەسێ و وە ئەو تاوانە دەسگیری کردنە، دان نایە وە ئەوەگ وە نیاز بویە لە ناوچەیل پارێزگاگە بەشیەوبکەێد".

لەهەمان مەوقە، لە بەیاننامەگە هاتییە " (20) کەس لە ئۆپراسیۆنە جیاوازەیل دەسگیربکەن وە توومەت بازرگانی و دزەکردن وە هووشبەر لە پارێزگایەیل (بەغداد، زیقار، نەجەف، بابل) و دەسنریایە وەبان بڕیگ مادەی هووشبەر و ئامێرەیل کیشانی.