دەسپاکی: دەسگیرکردن 10 فەرمانبەر لەناو خەسەخانەیگ لە سەماوە وە توومەت دزیکردن
شەفەق نیوز- موسەننا
دەسەی دەسپاکی فیدراڵی، رووژ سێشەممە، خەوەردا لە جیوەجیکردن فەرمانەیل دەسگیرکردن وەرانوەر 10 فەرمانبەر کە لە یەکیگ لە خەسەخانەیل شار سەماوە کار کەن، لەبان گومانەیل دەسکاریکردن وە وەرگردن تایبەت وە (تەبلە)ی بیمارەیل و دزین ئەو کرێاەیلە کە لەلیان وەرگیریاگە پێچەوانەی یاسا.
دەسەگە لە بەیاننامەیگ رەسیە ئاژانس شەفەق نیوز وت، کە تیمیگ لە نویسینگەی لێکۆڵینەوەی موسەننا پرۆسەگە جیوەجێ کردگە، دۊای ئەنجامداین کارەیل وەشوینکەفتن و هۊردبینی لەو زانیارییەیلە کە رەسینە، کە بۊە مدوو دەسگردن وەبان فرەتر لە 1000 پەڕاو (تەبلەی) تایبەت وە بیمارەیل ئەرا ساڵەیل 2024 و 2025 و 2026.
وتیش کە دادوەر دادگای لێکۆڵینەوەی دەسپاکی لە موسەننا، دۊای ئەوە، فەرمانەیل دەسگیرکردن و وەشوینکەفتن لەبان ئەو دە فەرمانبەرە دەرکرد، وە پشت بەسین وە فەرمانەیل مادەی 315 لە یاسای سزادان.
دەسەگە دیاری کرد کە هۊردبینی لەو پەڕاوە دەسوەبانگیریاگەیل نیشان دا کە نزیکەی 800 پەڕاو بی کاغەزەیل وەرگرۆن هەس، بیجگە نزیکەی 200 وەرگردن کە کاغەز وەرگردن وەردیانە و وە ناو کەسەیلیگ نویسیانە کە جیاوازن لە ناوە راسییەیل کە لەناو خەسەخانە خەفتنە.
دیاری کرد کە وەشکین ئاشکرای دەسکارییکردن ئەو کاغەزەیلە کرد و دەسگردن وەبان ئەو کرایەیلە کە لەلیان وەرگیریاگە پێچەوانەی یاسا.
دەسەگە باس جیوەجیکردن فەرمانەیل دەسگیرکردن لە وەرانوەر هەر دە تومەتبارەگە کرد و بەندیکردنیان ئەرا لێکۆڵینەوە، قسەیلیان تومار کریاگە و خریانەسە وەرانوەر دادوەر لێکۆڵینەوەی تایبەتمەن.
