دەسپاکی ئاشکرای دزیکردن فرەتر لە دوو ملیار دینار و دەسکاریکردن (56) هەزار پسوڵە لە هاتوچو سەڵاحەدین کەێد

شەفەق نیوز - بەغداد

دەسەی دەسپاکی فیدراڵی، ئمڕوو چوارشەممە، ئاشکرای دەسکاریکردن فرەتر لە (56) هەزار پسوڵەی سزای هاتوچو لە سەڵاحەدین، و وەتاڵانبردن بڕە پۊلەیلیگ کرد کە لە دوو ملیار دینار رەد کردنە.

 دەسەگە لە بەیاننامەیگ فەرمی خەوەردا، کە تیمیگ لە نویسینگەی لێکۆڵینەوەی سەڵاحەدین، و دۊای ئەنجامداین پرۆسەیل لێکۆڵینەوە و وردبینی و بەسانن سەرەتاییەیل، ئاشکرای جیوەجیکردن وەرپرس هۆبەی سزایەیل و دزییەیل لە کۆمەڵگای تومارکردن ماشینەیل و مووڵەتەیل رانندەیی لە وەڕێوەبەرایەتی هاتوچو سەڵاحەدین کرد، کە ئەفسەریگە وە پلەی عەقید و گریایە لەبان لێکۆڵینەوە، وە دەسکاریکردن (34,164) پسوڵەی سزا کە لەلای بۊە و وەتاڵانبردن بڕە پۊلەیلی کە رەسێدە (1,853,200,000) یەگ ملیار و هەشتسەد و پەنجا و سێ ملیۆن دینار.

 دیاری کرد کە تیمەگە، ئەرا جیوەجیکردن بڕیار دادوەر دادگای لێکۆڵینەوەی سەڵاحەدین تایبەتمەن وە دۆسیەیل دەسپاکی، چگ ئەرا وەڕێوەبەرایەتی هاتوچو، و تۊنست دەس بگرێدە بان بنەڕەت ئەو (34,164) پسوڵە کە دەسکاری کریانە و پۊلەیلیان وەتاڵان بریاگە، لەو دۆسیە کە لێکۆڵینەوە لەناوی وەڕیەو چوود وەپەی فەرمانەیل ماددەی (315) لە یاسای سزاداین.

 لە پرۆسەیگ دۊەم، ئەو لێکۆڵینەوەیلە کە تیمیگ نویسینگەی لێکۆڵینەوەی دەسەگە لە پارێزگاگە ئەنجامی دا، ئاشکرای دەسکاریکردن ئەفسەریگ ترەک کرد وە پلەی عەقید، کە گریایە لەبان لێکۆڵینەوە، وە پسوڵەیل سزا دەسوەجیەیل و گواستنەوەی پۊلەیلیان، و وەتاڵانبردن (339,135,000) سێسەد و سی و نۆ ملیۆن دینار، وە دیاریکردن ئەوەگ تیمەگە دەس گردەسە بان (22,000) پسوڵە، کە لەناویانیش پسوڵەیل (38 ژمێریاری) و (68 ژمێریاری) هەن کە دەسکاری کریانە.

هەمیش دەسەگە وتیش کە لێکۆڵینەوەیل سێ ئەفسەر ترەکیش گردە خوەی، یەکیگیان وە پلەی عەمید و دوان وە پلەی عەقید، لەوەر ئەوەگ وە شیوەیگ وردبینی ئەرا کلکریاگەیل تایبەت وە سزایەیل نەکردنە، ئەو کارە کە بۊە ریگر لە وەرانوەر ئاشکراکردن دەسکاریکردن پۊلەیلی، لە وەختیگ رێکارەیل لێکۆڵینەوە وەردەوامە ئەرا ئاشکراکردن کەینوبەین دۆسیەگە و دیاریکردن بندروسی.

 بەیاننامەی دەسەگە وتیش رێکخستن دەسگردن بنەڕەتی وەو بەڵگە و سەرەتایی و پسوڵەیل دەسوەسەرکریاگە لەو دوو پرۆسە کە جیوەجی کریانە وە پشت بەسین وە بڕیارەیل دادوەر دادگای لێکۆڵینەوەی سەڵاحەدین تایبەتمەن وە دۆسیەیل دەسپاکی، لەو دۆسیەیل لێکۆڵینەوە کە چەودیاری کریانە وەپەی فەرمان ماددەی (315) لە یاسای سزاداین، و خستنیان لە وەرانوەر دادوەر لێکۆڵینەوەی تایبەتمەن؛ ئەرا جیوەجیکردن رێکارە یاساییەیل.