دەرچگن فەرمان دەسگیرکردن لەبان "ئەبو عراق" لەوەر بڵاوکریایەیل گاڵداین
شەفەق نیوز - بەغداد
دادگای لێکۆڵینەوەی کەرخ سێیەم لە بەغداد، رووژ یەکشەممە، فەرمان دەسگیرکردنیگ لەبان "خالید جیهاد عەبدولسەتار عیزەت محمداوی"، ناسریاگ وە ناو "خالید ئەبو عراق"، دەرکرد، لەبان تاوانبارکردنی وە سووکایەتیکردن وە چینیگ لە گەل عراقی.
وەپەی فەرمان دادوەری لە دادگاگە، کە رەسیە ئاژانس شەفەق نیوز، فەرمان دەسگیرکردنەگە دەرچگە پشت بەسین وە "فەرمان مادەی 202 لە یاسای سزایەیل عراقی سمارە 111 ئەرا ساڵ 1969ی هەموارکریاگ".
بەڵگەنامەگە دەرخست کە دۆسیەگە پەیوەندیدارە وە تاوان "سووکایەتیکردن وە چینیگ لە گەل عراقی وە ریەیل ئاشکرا"، و فەرمان دەسگیرکردنەگە لەبان سکاڵایگ پیشکەشکریاگ لە ماف گشتییەو دەرچگە.
ئەبو عراق، هەڵسێد وە بڵاوکردن نۊسریاگەیل و بڕیگ لە بڵاوکریاگەیل لەبان هەژمارە کەسییەیلی لە ماڵپەڕەیل پەیوەندیکردن، کە چینیگ فراوان لە گەل عراقی وە گاڵداین لەبانیان هەژماری کەن.
