دەرچگەیل وکاسپکارەیل دوو پیەڵ لە ناسریە بڕن.. وینە

شەفەق نیوز/ دەیان لە کاسپکارەیل و دەرچگەیل زانکۆ وپەیمانگایل لە زیقار، ئمڕوو پەنجشەممە، دەرچینە خوەینشاندان وەداوای دەرفەتەیل کار لەناوڕاس پارێزگاگە.    

پەیامنێر ئاژانس شەفەق نيوز لە زیقار وت: دەیان لە کاسپکار ودەرچگەیل لە شەوەکی زویەو دەرچینە ناوڕاس شار ناسریە، وەداوای دادڕەسینیان، وتیش: شمارەیگ لە پەرلەمانتارەیل بزووتنەوەی ئیمتیداد وەگەرد ناڕەزایل بوین.  

پەیامنێر ئاژانسمان وتیش: ناڕەزایلە ریەیل گرنگیگ وەتایەر سزیاگ بڕین، وهەمیش پیەڵ نەسر وپیەڵ زەیتون لەناوڕاس پارێزگاگە بڕین، و بڕیگیش لە فەرمانگەیل حکومەتی وە فەرمان پارێزگار دەوامیان بەسان، نەگ بوودە رویوەروی بوین و ناڕەزایلە دەرەیلیان بگرن.