دەرکردن فەرمان دەسگیرکردن لەبان پارێزگار وەرین سەڵاحەدین
2024-02-19T12:31:08+00:00
شەفەق نیوز/ دەسەی دەسپاکی، ئمڕوو دووشەممە، فەرمان دەسگیرکردن دەرکرد لەبان پارێزگار وەرین سەڵاحەدین وە توومەت زەرەد رەسان وە ئەنقەست وە پویل و بەرژەوەنیەیل ئەو لایەنە کە کار لەلی کردیە.
دەسەگە لە بەیاناامەیگ رسیە ئاژانس شەفەق نیوز وت، دادوەر دادگای لێکۆڵینەوەی سەڵاحەدین تایوەت وە دۆسیەیل دەسپاکی فەرمان دەسگیرکردن پارێزگار وەرین سەڵاحەدین دەرکرد لەوەر ئەنجام گرێبەستیگ ئەرا دابینکردن کۆنتێنەر ئەرا وەڕێوەبەرایەتیەل شارەوانی پارێزگاگە لە سڵ 2020.
دیاریکرد ئەو کۆنتێنەرەیلە لە ساڵ 2018 و 2019 وەرجە گرێبەستەگە دابینکریانە، ئاشکەرایکرد هەرچەنە گرێبەستەگە وەلایەن سەرۆک لیژنەی جیوەجیکار وەرین پرۆسەی دابینکردنەگە رەدکریایە.
وتیش، فرمان دەسگیرکردنەگە وەگورەی بڕگە مادەی 340 لەیاسای سزادان هاتیە.
