دژەتیرۆر یەکیگ لە دیارترین سەرکردەیل بزووتنەوەی نوجەبا لە زیقار دەسگیر کەێد

شەفەق نیوز- زیقار

سەرچەوەیگ ئەمنی، ئمڕوو دووشەممە، خەوەردا لە دەسگیرکردن وەرپرس یەکەی چەودیاری لە بزووتنەوەی نوجەبا، لە پارێزگای زیقار.

 سەرچەوەگە ئەرا ئاژانس شەفەق نیوز وت، کە "هیزیگ ئەمنی کە لە بەغدادەو هاتۊد و سەر وە دەزگای دژەتیرۆرە، وەرپرس یەکەی چەودیاری لە بزووتنەوەی نوجەبا دەسگیر کرد دۊای ئەوەگ هەڵکوتانە بان ماڵەگەی لە ناحیەی فەزیلە لە باشوور شار ناسریە ناوەند پارێزگای زیقار".

وتیش کە "دەسگیرکریایەگە وە یەکیگ لە دیارترین سەرکردەیل لەناو بزووتنەوەگە هەژمار کریەێد، و بریایە ئەرا بەغدای پایتەخت ئەرا تەواوکردن رێکارەیل لێکۆڵینەوە وەگەردی".