دیالە.. کوشیان بازیگەریگ وە رووداویگ و مردن وەرپرسیگ وە کۆڕۆنا
2021-08-03T12:22:14+00:00
شەفەق نیوز/ سەرچەوەیگ خۆجێیی لە دیالە، ئمڕوو سێشەممە، خەوەردا لە کوشیان بازیگەریگ لە تۆپ دەسی وە رووداویگ هاتووچو لە دەورگرد بەعقوبە، و سەرۆک وەرین ئەنجومەن خۆجێیی ناحیەی بەنی سەعد لەوەر ڤایڕۆس کۆڕۆنا گیانی لەدەسدا.
سەرچەوەگە ئەرا ئاژانس شەفەق نیوز وت: بازیکەر یانەییالە لە تۆپ دەس تەیف عامر وە رووداویگ هاتووچو لە دەورگرد شار بەعقوبە گیانی لەدەسدا، وتیش؛ ماتۆڕسکڵەگەی داگە ماشینیگ وەکوتپڕ مرد.
سەرچەوەگە وتیش؛ عەبدولرەسول سەعەد حوسەینی ئمڕوو لەوەر پەتای کۆڕونا گیانی لەدەسدا.
وتیش: حوسەینی زیان لە بیماریەیلیگ تر وەخوەی دیاد و هەمیش تووش ڤایڕۆس کۆڕۆنا هات.
