دیالە.. ٣ زەخمداری وە رویداویگ هاتوچو و خوەیکوشتن خوەنەواریگ
2022-05-28T12:54:38+00:00
شەفەق نیوز/ دوو سەرچەوەی ئەمنی لە دیالە، ئمڕوو شەممە، خەوەردا لە زەخمداری ٣ مەدەنی وە رویداویگ هاتوچو لە دەوروگەرد شار خانەقین، و سەرچەوەیگ تریش خەوەردا لە خوەیکوشتن خوەنەواریگ ئامادەیی چوینکە نەچیەسە تاقیکردنەوەی بەکالۆریا.
سەرچەوەگە ئەرا ئاژانس شەفەق نیوز وت: ٣ مەدەنی لەوەر پلیان ماشینیان لەبان ری مەنزەریە- خانقين زەخمدار بوین. وتیش: زەخمدارەیل بریانە خەسەخانەی خانەقین و دەسەڵاتەیل هاتوچو لێکۆڵینەوە لە رویداوەگە واز کردن.
لە رویداویگ جیا، سەرچەوەیگ ئەمنی خەوەردا لە خوەیکوشتن خوەنەواریگ لە شەش ئامادەیی چوینکە بەشداری لە تاقیکردنەوەی وەزاری نەکرد.
سەرچەوەگە ئەرا ئاژانس شەفەق نیوز وت: خوەنەوارەگە لە حەی تەحریر دەورگرد شار بەعقوبە خوەی سزان، وتیش: تەرمەگە ئەرا پزشک دادوەری بریا، ولێکوڵینەوە لە رویداوەگە واز کردن.
