دیاریکردن سێ شوین زەنگ و زەویلەرزە لە کەرکوک

وەڕێوەبەر وەڕێوەبەرایەتییەگە، حەسەن عەلی، ئەرا ئاژانس شەفەق نیوز وت “گورجی زەویلەرزە لە عراق وە گشتی و لە کەرکوک وە تایبەتی، ئامێرەیل چەودیاریکردن زیاتر شوینەیل لە باکوور کەرکوک و لە دەڤەر چەمچەماڵ توومار کەن، هەمیش لە خانەقین، و لە سنوور ناوەین عراق و ئیران، و یانە ناوەند ئەو لەرزەیلەن کە لە روانگەی کەرکوک توومار کریەن."

عەلی وتیش: ساڵ گوزەشتە کەرکوک نزیکەی 9 زەویلەرزە توومار کردگە، بەرزترین زەویلەرزە نزیکەی پەنج پلە بویە، هویچ زیانیگ توومار نەکریاس، وتیش: “عراق کەفێدە بان پارچەیگ لە زەنگ و جویلەی لەرزە یەیش هیلێد عراق جاروبار بکەفێدە وەر زەویلەرزە،  کە فرەتریان لە وڵاتەیل هاوسان، کە بەشیگیان لە سنوورەیل عراق توومار کریان“.

 کەشناسی وەرجەیە راگەیانیە عراق قایمتری زەویلەرزە  لە 9/18/2007 لە پارێزگای کەرکوک توومار کردیە وە تزنی 5.2 پلە و دویەمیش لە دەڤەر عەلی غەربی سەر وە پارێزگای میسان لە باشوور عراق، وە ٥.٢ پلە لە  on 3/23/2001, و لە پلەی سێیەم  ئەو زەویلەرزەیلە کە لە ساڵ 2019 پارێزگاری سلێمانی بوی، وە تونی 5.3 و قویلایی 10 کیلۆمەتر، و لەرزەگەی رەسیە هەولێر و خانەقین و تەنانەت پارێزگای کرماشانیش کە کەفێدە خوەرئاوای ئێران.

 وڵاتەیل هاوسا وەتایبەت ئیران و تورکیا زەویلەرزەیلیگ سەخت و خوەیان دین، و مەغریبیش لە ساڵ گوزەشتە کەفتە وەر زەویلەرزەیگ ویرانکەر کە زیاتر لە هەزار کەس کوشت.