خوەیکوشتن گەنجیگ لە دیالە و دەسگیرکردن بازرگانیگ هوشبەری برای خوەی کوشتیە لە بەغداد
2023-06-06T13:14:47+00:00
شەفەق نیوز/ هەواڵگری عراقی، ئمڕوو سێشەممڵ، توەنست بازرگانیگ هوشبەری دەسگیر بکەێد برای خوەی کوشتیە، ئەوەیش دویای ٤٨ ساعەت لە جیوەجیکردن تاوانەگەی لە بەغداد پایتەخت.
وەزارەت ناوخۆ لە بەیاننامەیگ رەسیە ئاژانس شەفەق نیوز وت: هەواڵگری و لێکۆڵینەوەی فیدڕاڵی لە وەزارەت ناوخۆ توەنستن لە بنەمای زانیاری هەواڵگری هویرد، وەماوەی ٤٨ ساعەت بازرگانیگ هوشبەری دەسگیر بکەن برای خوەی کوشتیە لە بەغداد، دیاری کرد ک دەسگیرکردنی وە کوڵەی توکمەیگ وەلایەن مەفرەزەیل ئاژانس هەواڵگری جیوەجی کریا.
هەرلیوا، سەرچەوەیگ ئەمنی لە دیالە، خەوەردا لە خوەیکوشتن گەنجیگ وە سێدارە لە باکوور خوەرئاوای بەعقووبە.
سەرچەوەگە ئەرا ئاژانس شەفەق نیوز وت: گەنجیگ خوەنەوار لە شەش ئامادەیی خوەی وە تەڵیگ مس لەناو ماڵەگەی لە حەی سەیف سەعەد سەروە ناحیەی هبهب دادە سێدارە.
وتیش؛ هەژمار خوەیکوشتنی نادیارە و لێکۆڵینەوە ئەرا رەسین وە بندروس رویداوەگە واز کریا و تەرمەگە ئەرا پزشک دادوەری بریا.
