خوەیکوشتن دویەتیگ "نەناسریاگ" لەبان بەرزایی پیەڵ رەدبوین لە سلێمانی
سلێمانی
2023-09-14T08:47:07+00:00
شەفەق نیوز/ سەرچەوەیگ تەندروسی لە سلێمانی ئمڕوو پەنجشەممە، خەوەردا لە خوەیکوشتن دویەتیگ "نەناسریاگ" لەبان بەرزی پیەڵ رەدبوین لە پارێزگاگە.
سەرچەوەگە وە ئاژانس شەفەق نیوز وت، شەوەکی ئمڕوو دویەتەگە کەفتیەسەخوار لەبان پیەڵ رەدبوین کە کەفێدە بان جادەی ناوەین سلێمانی و ناوچەی راپەرین، وە دیارکریاگی لەوەردەم زانکۆی سلێمانی، لەئەنجام دەسوەجی گیان لەدەسدایە لەبان شۆستەی کۆنکرێتی، ئەرا پزیشک دادوەری کلکریاس.
سەرچەوەگە وتیش، لەدویای لێکۆڵینەوەی پزیشکی ئاشکەرابوی کە دویەته نەناسریاگە لەوەر ئەوەگ هویچ ناسنامەیگ وەپی نەبویە، پزیشک دادوەری ئاشکەرایکرد تەمەنی لە ناوەین 15 تا 20 ساڵانە باوجی ئەوەگ جیگیرە هووکار مردنەگەی کەفتنەخوارە لە پیەڵ ئەرا بان شۆستەی کۆنکرێتی.
هەمیش سەرچەوەیگ ئەمنی وە ئاژانس شەفەق نیوز وت، دەزگایەیل ئەمنی دەسکردنە وە لێکۆڵینەوە ئەرا ئاشکەراکردن رویداوەگە و هووکارەیلی و ناسنامەی دویەتە قوربانیەگە.
