خوەڵوتوز هیزە ئەمنییەیلە خەێدە ئامادەباشی
شەفەق نیوز/ سەرچەوەیگ ئەمنی وەرپرس لە وەڕێوەبەرایەتی پۆلیس پارێزگای ئەنبار، ئاشکرای دەسکردن کەرتە ئەمنیەیلە لە ناوچەیل خوەرئاوا و بیاوانی لە پارێزگاگە وە بڵاوبوین و ریکارەیل هوشداری کرد، لە ئەگەر مەزەنەی هەر پەلاماریگ، وەگەرد رەسین گەردەلۊل خوەڵوتوز ئەرا شارەیل پارێزگاگە، ک هیشت ئاست نووڕستن نەمینێد.
سەرچەوەگە ئەرا ئاژانس شەفەق نیوز وت: فەرمانەیل رکداریگ لەلایەن فەرماندە ئەمنیە باڵایل ئەنبار لەبان گرنگی بڵاوبوین ئەندامەیل ئەمنی نزیک دەروازەیل ناوچەی خوەرئاوایی و خاڵەیل ئەمنی دەرچگ، وەگەرد بڵاوکردن ئەندامەیل لە دەورگرد ناوچە دویرەیل ک هەمیشە لەلایەن تیرۆریستەیل کریەنە ئامانج.
حسێن راوی قایمقام قەزای راوە ئۊشێد: پلانیگ ئەمنی هەس، گشت دوو هەفتە نووەو کریەێد، و ئەوەیش دویای گردەوبوینیگ وەگەرد سەرکردەیل ئەمنی، وەگورەی هاتەدیەیل ناوچەگە و هەڕەشەیل دەیشتەکی لەبان پارێزگاگە.
راوی ئەرا ئاژانس شەفەق نیوز وت: ئەو پلانە ک هەر جاریگ خوەڵوتوز بڕەسێدە ناوچەمان ئەوەسە ک چەودیری کامیرایل گەرمی کریەێد ک هانە دەورگرد ناوچەکەمان، و کەرتەیل سەربازی پسپۆڕ هەس ئەرا چەودێریکردن ناوچەیل بیاوانی و دویر، ئەوەیش وەگەرد بڵاوبوین دەوریەیل ئەمنی.
