خوەی لەبان خانگ ماڵەگەی خستیە.. خوەیکوشتن یاوەر پزشکیگ
2023-09-23T11:38:11+00:00
شەفەق نیوز/ سەرچەوەیگ ئەمنی لە کەرکوک، ئمڕوو شەممە، خەوەردا لە خوەیکوشتن یاوەر پزشکیگ لەوەر هەکار و کیچەڵ دەروینی.
سەرچەوەگە ئەرا ئاژانس شەفەق نیوز وت: یاوەر پزشکیگ لە تەمەن ٣٥ ساڵان، وەناو فرەیدون جرجیس لەناو ماڵەگەی لە ناوچەی شوڕاو لە دەورگرد کەرکوک خوەی کوشت.
سەرچەوەگە لە زوان کەسوکارەیلی وت: قوربانیەگە زیان لە بیماریەیل دەروینی داشتیە، و خوەی لەبان خانگ ماڵەگەی خستیە.
چەن پارێزگایگ عراق بەرزەبوین رویداوەیل خوەیکوشتن وەخوەیان دوینن، لەوەر گیچەڵەیل دەروینی و ژیانگوزرانی و چشتەیلیگ ترەک.
