خه‌يمه‌ى مانگرتن سه‌ركرده‌يگ باڵا له ناسريه ته‌قيه‌وه‌و سێ خێمه‌يش له به‌غدا سزيا
شه‌فه‌ق نيوز/ سه‌رچه‌وه‌يگ ئه‌منى و شايه‌تحاڵه‌يل باس له گرتنه ئامانج خه‌يمه‌ى مانگرتن عه‌لا ركابى سه‌ركرده‌ى باڵا له خوه‌ينيشانداينه‌يل له شار ناسريه‌ى ناوه‌ند پاريزگاى زيقار كردن له باشوور عراق.
ئه‌و سه‌رچه‌وه‌و شايه‌تحاڵه‌يله ئه‌را شه‌فه‌ق نيوز وتن: ده‌مه‌و شه‌وه‌كى ئه‌مڕوو مينيگ ده‌نگى له مه‌يدان حه‌بوبى مانگرتنه‌يل ته‌قيه‌سه‌وه‌و خوه‌ينيشانده‌ريگ زه‌خمدار كردگه‌و زه‌ره‌د ماددى فريه‌يگيش له‌لى كه‌فته‌سه‌و.
لاى خوه‌ييشه‌و، پۆليس له به‌ياننامه‌يگ وت: له سه‌عات دوزانزه‌و نيم ده‌مه‌و شه‌وه‌كى ئمڕوو مينيگ ده‌نگى له نزيك مفره‌زه‌ى شه‌هيد مهه‌نه‌د كامل له‌شار ناسريه كه‌فته‌سه‌وه‌و زه‌ره‌د ماددى فره‌يگ له‌لى كه‌فته‌سه‌و وه‌بى زه‌ره‌د گيانى.
جى باسه وه‌هه‌مان شيوه كه‌سه‌يليگ نه‌ناسرياى سێ خه‌يمه‌ى تر مانگرتن له مه‌يدان ته‌حرير له‌ناو باخچه‌ى ئومه له ناوڕاس به‌غداى پايته‌خت سزانن له‌ڕێ وه‌كارهاوردن بۆمب مۆلۆتۆف.
