خنكيان و خوەیکوشتن.. مردن دوو گەنج لە دیالە
2023-08-31T12:45:50+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە کوشیان دوو گەنج وە رویداو خنکیان و خوەیکوشتن یەکیگ لە قەزای خاڵس و ئەوەکە لە قەزای موقدادیە.
سەرچەوەگە ئەرا ئاژانس شەفەق نیوز وت: خوەنەواریگ زانکۆ مەوقەی تەقەلای مەلەوانیکردن لە چەم مەهرووت باشوور خوەرھەڵات قەزای موقدادیە خنکیا.
وتیش؛ تەرم خنکیایەگە دراوریا و ئەرا پزشک دادوەری بریا، و لێکۆڵینەوە لە رویداوەگە واز کریا.
هەرچەن ئاو کەمە و قەیران ئاو هەس، وەلێ دیالە و چەن پارێزگایگ بەرزترین ئامار خنکیان یە ساڵەیل دروژیگە توومار کەن.
لە رویداویگ ترەک، وەگورەی خود سەرچەوە، دویەتیگ خوەنەوار زانکۆ، لەوەر هوکارەیل نادیاریگ، لە دەورگرد قەزای خاڵس خوەی وە سێدارە کوشت.
سەرچەوەگە دیاری کرد کە دویەتەگە وە لەچک سەر لەناو ژوورەگەی لە گەڕەک زەهرا باشوور خاڵس خوەی دادە سێدارە.
دووپات کرد کە هیزەیل ئەمنی لێکۆڵینەوە لە رویداوەگە واز کردن، و تەرم قوربانیەگە ئەرا پزشک دادوەری بریا.
