خنکیان کوڕیگ و کارەبا کۆتایی وە ژیان کراکاریگ تیارێد لە دوو پارێزگا
2026-08-11T14:17:14+00:00
شەفەق نیوز ـ دیالە/ بەسڕە
سەرچەوەیگ ئەمنی لە دیالی، ئمڕوو سێشەممە، خەوەر دا لە گیانلەدەستدان مناڵیگ وە مدوو خنکیان لە ئاو، لە باکوور خوەرئاوا پارێزگاگە.
سەرچەوەگە ئەرا ئاژانس شەفەق نیوز ئاشکراکرد، کوڕیگ 14 ساڵان مەوقەی مەلەوانی لە چەم تەحویلە لە قەزای خاڵس خنکیا، وتیش تەرمەگەی دراوریاس و ئەرا پزیشک دادوەری کلکریا، هەمیش لێکۆڵینەوە وازکریا لە رویداوەگە.
سەرچەوەیگ ترەک لە بەسڕە خەوەردا کراکاریگ بیناسازی مەوقەی کارکردن تویش تەزووی کارەبا هاتیە.
وتیش؛ کراکارەگە ناوی (عەلی ئەبو جەنە)س خەڵک کوباسیە لە ناوچەی شەتولعەرەب لە گوزەشتە وەگەرد کارمەندەیل کۆمپانیای "ئنفینشن" کارکردیە.
