خانەقین 70٪ هەڵمەت وەبازاڕکردن گەنم تەواو کردیە، بازەریل ناوخوەیش دەسنەن وو بان نیمەی بەرهەمەگە
شەفەق نیوز/ وەریەوبەرایەتی کشتوکاڵ خانەقین، ئمڕوو جومعە، تەواوبوین 70% وە بازاریکردن گەنم راگەیان، دووپاتکرد پرۆسەی وە بازاریکردنە وە نیمە بویە لە مابەین حکومەت و ناوخوەیی لەوەر بارودۆخ ئابوری تایبەت وە بازارەیل.
وەڕیەوبەر فەرمانگەگە کامەران عەبدولا وە ئاژانس شەفەق نیوز وت:" 70% لە بەرهەم گەنم وە سایلۆی کەلار و کۆمپانیایەیل ناوخوەیی و بازرگانی خریاسە بازارەو"، دووپاتکرد " بەرهەم ئیسە 25 هەزار تەن رەدکردیە، مەوقەی ک بەرهەم پارسال 22هەزار تەن بوی لە ناوچەیل ژیر دەسلات فەرمانگەگەمان ( دەوروبەر خانەقین و مەیدان و قورەتوو).
ئاشکەرایکرد، "رێژەی ئەو گەنمەیلە وە وەزارەت بازرگانی - سایلۆ کەلار فروشێد 50% رەدنەکردیە کشاوەرزەی بەرهەمەیلیان وە هووکارەیل فرەیگ وە کۆمپانیایەیل ئەهلی و بازرگانی فروشن لە دیارترینیان برزی نرخە ئەگەر نرخ یەک تەن گەنم لە بازار 900-950 هەزار بوود وەزارەت بازرگانی نرخ گەنم 850 هەزار دینار ئەرا یەک تەن راگەیەنێد.
وتیش" کشاوەرزەیل قەرز کشاوەرزەیل وە نوسینگەیل کشاوەرزی ئەهلی پاڵنەرە ئەرایان گەنمەلیان بفروشن وە کۆمپانیایەیل و نوسینگەیل ئەرا دانەوەی قەرزەیلیان ئیە بیجگە لەوەگ بەرزی نرخ ئامێر و پێداوستیەیل کشاوەرزی و پەین و کرای درەوکردن ئەرا 40 -50% لە وەرز گوزەشتە".
