خام بەسرە دەسکەفت هەفتانەی 4 دۆلار رەدکەێد

شەفەق نیوز - بەسرە

هەردووگ خام بەسرە گران و ناوەڕاس مامەڵەیل هەفتەگە لەبان دەسکەفتەیل تەواوکردن، وە پشتگیریبوین وە بەرزەوبوین نرخەیلیان لە دانیشتن کۆتایی،  هاووەخت وەگەرد بەرزەوبوین گرێبەستەیل ئایندەی خام لە بازاڕەیل جیهانی.

خام بەسرەی گران لە دویای دانیشتنەیل مامەڵەکردن وە بڕ 3.46 دۆلار ئەرا بەرمیلیگ، یا وە رێژەی 4.99% بەرزەو بوی، تا لە 74.22 دۆلار ئەرا بەرمیلیگ بوەسێد، و دەسکەفت  هەفتانەی توومار کرد کە رەسیە 4.14 دۆلار،  وەرانوەر وە 5.91%, بەراورد وە ئاست لە دەسوەپیکردن هەفتەگە کە 70.08 دۆلار بوی ئەرا بەرمیلیگ.

هەمیش خام بەسرە ناوەڕەس وە بڕ 3.46 دۆلار ئەرا بەرمیلیگ، یا وە رێژەی 4.63% بەرزەو بوی، ئەرا بەسانن لە 78.22 دۆلار ئەرا بەرمیلیگ، و دەسکەفت هەفتانەی توومار کرد کە رەسیە 5.14 دۆلار، یا وە رێژەی 7.03%, بەراورد وە ئاستی لە دەسوەپیکردن هەفتەگە کە 73.08 دۆلار بوی ئەرا بەرمیلیگ.

لە ئاست بازاڕەیل جیهانی، گرێبەستەیل ئایندەی خام خوەرئاوای تەکساس ناوڕاس وە بڕ 2.50 دۆلار، یا وە رێژەی 2.51% بەرزەو بوی، رەسیە 101.97 دۆلار ئەرا بەرمیلیگ، لە وەختیگ پەیمانەیل خام برێنت وە بڕ 3 دۆلار، یا وە رێژەی 2.65% بەرزەو بوین، ئەرا توومارکردن 116.17 دۆلار ئەرا بەرمیلیگ.