حه‌كيم ره‌خنه له راپۆرتيگ حكومه‌ت گرت و ئاشكراى دامه‌زرانن به‌ره‌يگ سياسى كرد
شه‌فه‌ق نيوز/ عه‌مار حه‌كيم سه‌ركرده‌ى ره‌وت "حكمه‌ى نيشتمانى" ئۆپۆزسيۆن، ره‌خنه له راپۆرت نيمه ساڵانه‌ى حكومه‌ت ناوه‌ندى گرت له‌باره‌ى كاره‌يلێ وه ئه‌وه‌گ پڕه له موبالغات له شماره‌و هه‌ڵه‌يليگ له ريژه.
حه‌كيم له خوتبه‌ى نماز عه‌يد له نويسينگه‌ى خوه‌ى له به‌غدا پايته‌خت، وت: مزگانى خێر وه‌پيمان دريا له‌باره‌ى ده‌ركردن راپۆرت نيمه ساڵانه‌ى حكومه‌ت ك پڕ بويه له شماره و خسته‌و تێبينيه‌يل و ريژه‌ى ته‌واوكردن كاره‌يليگ و باوه‌ڕمان ئه‌وه‌سه ئيچنه راپۆرته‌يليگ زانستى زيايه‌كارييگ خواسته له كار حكومه‌ت ك يه‌يش خاڵيگه‌و ئه‌را حكومه‌ت تۆمار ئه‌كريه‌ێد.
حه‌كيم هه‌ميش وت: ليژنه‌ى له تايبته‌مه‌نده‌يل له بواره‌يل پلاندانان و ئامار و ئداره له خاوه‌ن پيشه‌يل و له‌ده‌يشت ره‌وته‌گه دامه‌زرانيمه و گشت بڕگه‌يليگ له‌و راپۆرته دقه‌ت كردنه‌و راپۆرتيگ ته‌فسيلى و شيه‌وكارى له‌باره‌يه‌وه پيشكه‌ش كردنه و موبالغات فريه‌يگ و ريژه‌يليگ دوباره‌كرياێ له‌ناوى بويه ك له قيمه‌ت راپۆرته‌گه كه‌مه‌و كردنه و دويريه‌و خستنه له پيشه‌يى و يه‌يش ده‌رخستگه ك هيمان حكومه‌ت ناڵنيد وه‌ده‌س رۆتين كوشنده‌و بيروكراتى په‌ككه‌فتگ و نه‌وين هه‌ماهه‌نگه له‌ناونى وه‌زاره‌ته‌يل و كه‌رته‌يل حكومى له‌لايگ و ته‌وين ديد و پلان و هه‌ماهه‌نگى ته‌واويگ له‌لايگ تره‌و.
