حکومەت هەرێم کوردستان پۆست نوویگ دروس کەێد و دەێدەی ئی فراکسیۆنە
شەفەق نیوز/ گوڵستان سەعید ئەندام پەرلەمان کوردستان لە فراکسیۆن گۆڕان، ئمڕوو چوارشەممە، دووپاتکرد لە دەنگدان پەرلەمانتارەیل فراکسیۆنەگەی ئەرا کەمال ئەتروشی کاندید پۆست سامانە سرووشتیەگان لە حکومەت هەرێم، لەو وەختە ک ئاشکرای نووەوکردن پۆست سەندوق داهاتە نەفتیەگان، و داینی وە بزووتنەوەگەی.
سەعید لە کۆنگرەیگ رۆژنامەوانی ئمڕوو لە بینای پەرلەمان وت: ئی حکومەتە لەوەختیگ دروس کریا پۆست وەزیر سامانە سرووشتیەگان نەیاشتگە، و وەرجەیە داوای پڕەوکردن ئی بۆشاییە کردیمن، و هەمیش ئاڵشتکردن شێوەی وەزیر و وەزارەتەگە.
وتیش: ئی وەزیرە خاوەن ئەزموونە و بڕوانامەیل پسپۆڕی لە چین نەفت دیرێد، و لەلی خوازیمن چاکسازی راستەقینە لەناو وەزارەتەگە بکەێد، و تەواو وەرپرسایەتی لە باوەتە نەفتیەگە هەڵگرێد، و دووپاتکرد ک ١٢ ئەندامەگەی گۆڕان پابەندن وە دەنگدان ئەرا ئەو وەزیر کاندیدە لە دانیشتنەگەی ئمڕوو.
دەربارەی پۆست سەندوق داهاتە نەفتیەگان، سەعید وت: ئەوەسا وەی نزیکە کاندیدیگ لە بزووتنەوەی گۆڕان ئەرا ئی پۆستە خریەێدە نوای پەرلەمان تا بڕوایی وەربگێد، وەلی رازی نەوی ناوەگەی ئاشکرا بکەێد.
