حکومەت هەرێم کوردستان دەس کەێد وە جیوەجیکردن پلانیگ ئەرا فراوانکردن ئازادییەیل و مافەیل مرۆڤ وە هەماهەنگی وەرد بەغداد
شەفەق نیوز - هەولێر
لە شار هەولێر، ئمڕوو چوارشەممە، گردەوبوینیگ فراوان ئەرا ئەو لایەنەیلە بەسیا کە وەرپرسن لە داڕشتن سیاسەتەیل مافەیل مرۆڤ و ئازادییەیل لە هەرێم کوردستان، کە لەناوی راگەیانریا وە بڕیار دەسکردن وە جیوەجیکردن ئەو پلانەیلە کە تایوەتن وە فراوانکردن رووبەر ئازادییەیل و پاراستن مافەیل مرۆڤ.
رێکخەر تەمەیل ناودەوڵەتی لە حکومەت هەرێم کوردستان، دیندار زێباری، لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەی بۊ، وت، کە گردەوبوینەگە نۊنەرەیل لە کۆمسیۆن باڵای مافەیل مرۆڤ، و هەردوگ وەزارەت ناوخۆ و کار و کاروبار کۆمەڵایەتی، و ئەندامەیل لە پەرلەمان کوردستان و ئەنجومەن نۊنەرەیل عراقی لەخوەی گرد، لە شان نۊنەرەیل لە حکومەت فیدراڵی، و ناوەندە پەیوەندیدارەیل و رێکخراوەیل کۆمەڵگەی مەدەنی.
ئاشکرا کرد کە لە ماوەی گردەوبوین ئەنجومەن مافەیل مرۆڤ ناودەوڵەتی لە ساڵ 2025 لە چوارچیوەی میکانیزم وەدویاچگن خول گشتگیر (UPR)، 263 تەمەی پیشکەش وە حکومەت عراقی کریا ئەرا هازدارکردن مافەیل مرۆڤ و فراوانکردن رووبەر ئازادییەیل، و داوا لە حکومەت عراقی کریاس ئی تەمەیلە لە ماوەی چوار ساڵ جیوەجی بکەێد، کە هەرێم کوردستانیش گرێدەو.
زێباری زیای کرد کە گردەوبوینەگە وە بڕیگ بڕیارەو دەرچگ کە بوارەیل مافەیل ژن، و مناڵەیل، و زیندانییەیل گرێدەو، لە شان تەندروسی، و خوەنستن، و گەشەپیدان کۆمەڵایەتی، و کۆمەڵگەی مەدەنی، بیجگە لە ئازادییە ئایینییەیل و وەڕیخستن دروشمەیل، و هوشیارکردن، و وەکارهاوردن سیستەمە زیرەکەیل ئەرا رەفتارکردن وەرد وەرەونواچگنەیل، لە چوارچیوەی پلانیگ کە حکومەت هەرێم کوردستان سەرکردایەتیی کەێد وە هەماهەنگی وەرد لایەنە پەیوەندیدارەیل.
رێکخەر تەمەیل ناودەوڵەتی وتیش کە کاراکردن پەرلەمان کوردستان و لیژنە تایبەتمەنەیل لەناوی گرنگییگ فرە پەیا کەێد ئەرا چەودیاریکردن جیوەجیکردن ئی پلانەیلە، جۊر هەنگاویگ تەوەرەیی ئەرا پاڵپشتییکردن تەقەلایەیل هەڵسەنگاندن و ئامادەکردن راپۆرتەیل ئەرا لایەنە ناودەوڵەتییەیل و وەدۊاچگن پابەندبۊنەیل لە چوارچیوەی خول هاتگ ئەنجومەن مافەیل مرۆڤ لەلایەن نویسینگەی تەمەیل ناودەوڵەتی.