حکومەت فیدڕاڵی ئەوەسا لە ماوەی ٤٨ ساعەت مووچەیل هەرێم کوردستان رەوانە کەێد
شەفەق نیوز/ یەکێتی نیشتمانی کوردستان، ئمڕوو شەممە، دووپاتکرد لە گەرەنتی لە لایەن حکومەت فیدڕاڵی لە هەواڵەگردن ٣٢٠ ملیار دینار ئەرا هەرێم کوردستان، و هەمیش مەزەنە کرد ک لەماوەی ٤٨ پویلەگە رەوانە بکریەێد.
فائق یەزیدی ئەندام یەکێتی ئەرا ئاژانس شەفەق نیوز وت: ٣٢٠ ملیار دینار پول دیاریکریاگە لە رێککەفتنیگ وەرین لە رەوانەکردن پویلەگە وە چەن تەگانیگ، و دووپاتکرد ک شاندە کوردەگە لە بەغداد گەرەنتی سیاسی لەلایەن حکومەت فیدڕاڵی وەرگرد لە رەوانەکردن پویلەگە ئەرا هەرێم کوردستان.
وتیش؛ چوونکە نیاز و گەرەنتی لەلای حکومەت فیدڕاڵی ئەرا خەرجکردن ئی پویلە هەس، شایەت بەغداد ئی پویلە لەماوەی ٤٨ ساعەت ئەرا هەرێم کوردستان رەوانە بکەێد.
یەزیدی وتیش؛ رەوانەکردن ئی پویلە جوور نشاندان نیاز خاسیە لەلایەن حکومەت فیدڕاڵی ئەرا ئارامکردن جادەی کوردی، وەتایبەت دویای تویتیگ لەلایەن موستەفا کازمی سەرۆک وەزیران و پەیمان دانی وە وەڵامداین داواکاریەیل خۆپیشاندەرەگان لە سلێمانی لە هەرێم کوردستان.
