حکومەت عراق هەرکەسیگ لە رویداوەیل خەزرا مردیە وە شەهید دەێدە قەڵەم

شەفەق نیوز/ ئەنجومەن وەزیرەیل عراق، ئمڕوو سێشەممە، بڕیار دا هەرکەسیگ لە رویداوەیل ناوچەی خەزرا مردیە وە شەهید بەێدە قەڵەم، و هەمیش بڕیار خەرجکردن ٦ ملیار دینار ئەرا زیارەت چلەی ئیمام حسێن دا.

حسێن نازم قسەکەر ئەنجومەن وەزیرەیل لە کۆنگرەیگ رووژنامەوانی لە زوان موستەفا کازمی سەرۆک وەزیرەیل وت: ئەنجومەن وەزیرەیل بڕیار دا هەرکەسیگ لە رویداوەیل دویایین لە ناو خەزرا مردیە وە شەهید دریەێدە قەڵەم، و زەخمدارەیلیش کەفنە یاسای قەربووکردن زەرەدمەنەیل.

نازم دیاری کرد ک ئەنجومەن وەزیرەیل ٦ ملیار دینار ئەرا پاڵپشتیکردن زیارەت چلەی ئیمام حسێن تەرخان کرد.