حەشد شەعبی وەرگردن "ئەبو جەعفەر" و دەسگیرکریاگەیل وەگەردی راگەیەنێد

شەفەق نیوز- بەغداد

موهەنەد عیقابی، وەڕێوەبەر وەڕێوەبەرایەتی راگەیانن لە دەزگای حەشد شەعبی، ئمڕوو دوشەممە، خەوەردا لە وەرگردن سەرکردە و کارمەنەیل حەشد، دۊای دەسگیرکردنیان لە وەختیگ گوزەشتە لە ئمڕوو.

 عیقابی لە پۆستیگ لەبان فەیسبووک وت: "ئەو تیکەڵبۊنە کە لەباوەت دەسگیرکردن برایەیل لە حەشد رۊ دا یەکلاوە کریا، و گیریاگەیل دریانە دەس ئەمن حەشد شەعبی، ئەرا وەدۊاکەفتن دۆسیەیلیان وەگەرد دادگای دادپەروەرمان".

 شەوەکی ئمڕوو، سەرچەوەیگ ئەمنی خەوەردا، لە دەسگیرکردن ئەبو جەعفەر لە ماڵەگەی لە بەغداد، کە یەکیگە لە ئەندامەیل نویسینگەی ئەرکان دەزگای حەشد شەعبی، و 3 کارمەن ترەک لەناو یەکیگ لە ناوچەیل خوەرەڵات بەغداد.