حەشد بارەگایگ سەرەکی ئەرا داعش لە بیاوان ئەنبار ویران کەێد
شەفەق نیوز/ فەرماندەی ئۆپراسیۆنەگان کەرت ئەنبار لە حەشد شەعبی، ئمڕوو پەنجشەممە، ئاشکرای ویرانکردن بارەگای فەرماندەی نوو ریخریاگ داعش لە بیاوان ئەنبار کرد، وەگەرد شکستهاوردن وە پەلانیگ تیرۆری گەورایگ.
قاسم موسڵح فەرماندەی ئۆپراسیۆنەگان لە بەیاننامەیگ وەناو حەشد شەعبی وت: ئەنجامەیل ئۆپراسیۆنە ئەمنیەگە ک لەبنەمای زانیاریەیلیگ هەواڵگری ووردیگ وەرەو ژمارەیگ لە ئامانجەگان لە خوەرئاوای پارێزگای ئەنبار وە هەماهەنگی وەگەرد ئۆپراسیۆنە هاوبەشەگان و فڕوکەی سوپای عراق دەسوەپیکرد، ئەنجامەیل گەورایگ وەدەس هاورد، لەلیان ویرانکردن بارەگای فەرماندەی نوو داعش لە بیاوان ئەنبار لە ناوچەی وادی ملسی ک شیوەی جوگرافیی سەختیگ دیرێد، و ویرانکردن ٧ دیوەخان نوو ک لەناوی خواردن تازە و ئاماریگ ئەرا تەقەمەنی و دەرمان و بەڵگەیل دارایی پەیا کریان، ک دووپات هاتنەوەی شانەگان ئەرا قویلایی بیاوان ئەنبار چەسپنن، بەڵکم ئی ئۆپراسیۆنە شکست وە هاتنەوە و پلانەیلی هاورد، هەمیش وەگەرد دەسگیرکردن دوو ئەندام لە ریخریایەگە و گەرد دەوانچەیل و ماشینیگ پیکاب و کۆمپیوتەر و چەن چشتەیلیگ تر.
