یەحیا رەسول: هیزەیل پاسەوان سنوور دەسکردنە گردن کڕ ناوبەین تورکیا و ئیران
شەفەق نیوز/ لیوا یەحیا رەسول قسەکەر فەرماندەی گشتی هیزە چەکدارەیل، ئمڕوو یەکشەممە، دووپات کرد ک محمد شياع سودانی فەرماندەی گشتی هیزە چەکدارەێل فەرمان وە گردن کڕ ناوبەین تورکیا و ئیران وەلایەن پاسەوان سنوور داگە، ئەوەیش ئەرا کۆتاییهاوردن وەو پەلامارەیلە ناوبەین هیزەیل دوو وڵاتەگە وەرد حزبەیل کورد ئۆپۆزسیۆن ئەنقەرە و تەهران، ک لەبان زەوی هەرێم کوردستان جیوەجی کریەن.
لیوا رەسول لە کۆنگرەیگ رووژنامەوانی لە بەغداد پایتەخت وت: فەرماندەی گشتی هیزە چەکدارەیل دووپات لە گردن سنوورەگە وەلایەن هیزەیل پاسەوان سنوور کرد، و گردن کڕ سفری وەگەرد هاوسایل ئیران و تورکیا، وتیش: یەسە ک فەرماندەی گشتی فەرمانی داگە، و بایەتە وەکوتپڕ هیزەیل پاسەوان سنوور ئی ئەرکەیلە وەجی بارن.
وتیش: سودانی فەرمان وە قایمکردن توانایل ئەو فەرماندەییە وە چەک و ئامیر و کەس داگە، وەو شیوە ک مسۆگەر گردن سنوورەگە وەشیوەی خاسیگ بکەێد.
لیوا رەسول زوور لەوەیش کرد ک عراق ڕازی نییە زەویەیلی ئەرا پەلامارداین هویچ دەوڵەتیگ هاوسا وەکار باێد، ئیمە پەیوەندی خوەشیگ وەرد گشت دەوڵەتەیل هاوسا دیریمن، و تەقەلا دەیمن گەشە وەپی بیەیمن وەو شیوە ک خزمەت بەرژەوەنی عراق و گشت دەوڵەتەیل هاوسا بکەێد.
وتیش: دووپات لە سەروەری عراق و رێزگردنی کەیمن، و سودانی فەرماندەی دا ک گرنگی ئەرا فەرماندەیی وەرگری ئاسمانی بوود، تا نوای پیشیلکردن ئاسمان عراق بگرێد.
