جێگر سه‌رۆك په‌رله‌مان باس يه‌كلاكردن كانديده‌يل دو وه‌زاره‌ت به‌تاڵ له‌حكومه‌ت كازمى كرد
2020-05-23T11:52:38+00:00
شه‌فه‌ق نيوز/ بشير حه‌داد جێگر سه‌رۆك ئه‌نجومه‌ن نوێنه‌ره‌يل عراقى، ئاشكراى ئه‌وه كرد هه‌ردوگ حزب كوردستانى پارت ديموكرات و يه‌كێتى نيشتمانى يه‌كلايى كانديده‌يليان كردنه ئه‌را وه‌رگرتن هه‌ردوگ پۆست خارجيه و وه‌زير داد له حكومه‌ت ناوه‌ندى.
حه‌داد ئه‌را ئاژانس شه‌فه‌ق نيوز وت: هيزه‌يل سياسى كوردى كانديده‌يليان ئه‌را هه‌ردوگ وه‌زاره‌ت خارجيه‌ى و داد يه‌كلاوه كردنه و باس له‌وه‌يش كرد (فوئاد حسێن) كانديد وه‌زاره‌ت خارجيه‌سه‌و يه‌كێتى نيشتمانييش كانديد خوه‌ى ئه‌را وه‌زاره‌ت داد پيشكه‌ش وه مسته‌فا كازمى سه‌رۆك وه‌زيره‌يل كردگه.
حه‌داد ك سه‌ركرده‌يگه له پارت ديموكرات كوردستان، وت: ئيمه حاڵ حازر چه‌وه‌رێ يه‌كلاكردنه‌وه‌ى باقى وه‌زاره‌ته‌يل ئه‌كه‌يم له‌لايه‌ن ئه‌و باقى لايه‌نه‌يل سياسى عراقييه‌و.
