جانتایگ جیاواز لە هەوا دروسکريەێد
2024-03-10T09:26:21+00:00
شەفەق نیوز/ براند کۆپەرنی نووترین جانتای وە شیوەی جیاواز دروسکرد، کە لە 99٪ لە هەوا و لەسەدا یەک لە شیشە دروسکریایە و ئەو ماددەیلە هاناوی کە ناسا ئەرا جەمەوکردن تووز ئاسارەیلە وەکاری هاوردیە.
وەپای خەوەریگ ماڵپەڕ "کۆمپلێکس" ، جانتا نووەگە لە نانۆمادەی ناسا دروسکریایە وەپی ئوشریەێد "سیلیکا ئایرۆجێل”، هەمیش وە سووکترین ماددەی رەق لەبان زەوی ناسریاگە کە لە سەدا ٩٩ لە هەوا و لە سەدا یەک شیشە پێکهاتیە.
وەپای زانیاریەیل کێشەگەی Air Swipe Bag ٣٣ گرامە، باوجی توەنێد تا ١٢٠٠ پلەی سیلیزیی بەرگە بگرێد.
بویچگی قەبارەی جانتاگە هیشتیە بڕیگ کەس پرسیار لەباوەت کێش و هەڵگردن جانتاگە بکەن و نویسانە، "ئایا توەنن هویچ چشتیگ لەناوی هەڵبگرن؟"، کۆپەرنیش جواو دایە وتیە "توەنید مۆبایلیگ زیرەک لەناوی هەڵبگرید".
